Microsoft Windows 7 foydalanuvchilarini Windows 10 ga o’tishga majburlashning yangi usulini o’ylab topdi.
Kompaniya Windows 7 va 8.x da Windows Media Player va Windows Media Center funksiyalarini qisqartirdi.
Windows 7 butun dunyo bo’ylab millionlab kompyuterlarga o’rnatilgan mashhur operatsion tizim bo’lib qolmoqda. Shunga qaramay, uni qo’llab-quvvatlash 12 oydan kamroq vaqt ichida – 2020-yil 14-yanvarda tugaydi. Windows 7 foydalanuvchilari operatsion tizimdan hech bo’lmaganda qolgan vaqt davomida to’siqsiz foydalanishni afzal ko’rishsa-da, Microsoft boshqacha fikrda. betanews.com saytidan Brayan Fagiolining so’zlariga ko’ra, kompaniya Windows 7 va 8.x foydalanuvchilarini Windows 10 ga o’tishga majburlash uchun ularning hayotini ataylab qiyinlashtirmoqda. Fagiolining xulosasiga Microsoftning Windows Media Player va Windows Media Centerda metama’lumotlarni qo’llab-quvvatlashni to’xtatish haqidagi asossiz qarori sabab bo’ldi. O’zgarish faqat Windows 7 va 8.x da ishlaydigan dasturlarga ta’sir qiladi, metama’lumotlarni yangilash esa Windows 10 da Windows Media Playerda avvalgidek ishlashda davom etadi.
Microsoft’ning qo‘llab-quvvatlash sahifasidagi xabarga ko‘ra, foydalanuvchilar tez orada “Windows Media Player va Windows Media Center’da qo‘shiq nomi, janri va ijrochisi, shuningdek, rejissyor, aktyorlar, muqova va filmlar uchun televizion qo‘llanma kabi ma’lumotlarni (metadatalarni) ko‘ra olmaydilar”.
«Foydalanuvchi hisobotlari va foydalanish ma’lumotlarini ko’rib chiqqandan so’ng, Microsoft ushbu xizmatni to’xtatishga qaror qildi. Bu shuni anglatadiki, Windows qurilmalariga o’rnatilgan media pleyerlar endi yangilangan metama’lumotlarni olmaydilar. Biroq, allaqachon yuklab olingan ma’lumotlarga kirish mumkin bo’lib qoladi. Bu orqaga o’tkazish, to’plamlarda navigatsiya qilish, video oqimlash va boshqalar kabi asosiy pleyer funksiyalariga ta’sir qilmaydi. Faqat yangi metama’lumotlarni yuklab olishni talab qiladigan ikkinchi darajali funksiyalarga ta’sir qiladi», deyiladi qo’llab-quvvatlash sahifasida.
