24 milliondan ortiq bank hujjatlari sizdirib tashlandi.
51 Gb ma’lumotlar bazasi parol bilan himoyalanmagan va taxminan ikki hafta davomida ommaga ochiq bo’lgan.
Kiberxavfsizlik bo’yicha tadqiqotchi Bob Diachenko 24 milliondan ortiq bank hujjatlarini, jumladan, CitiFinancial, Wells Fargo, CapitalOne va boshqa ko’plab yirik banklar va moliya institutlari mijozlari uchun minglab kreditlar va ipoteka kreditlari yozuvlarini o’z ichiga olgan ElasticSearch klasterini topdi. 51 GB hajmdagi ma’lumotlar bazasida 24 milliondan ortiq yozuvlar, jumladan, to’liq ismlar, kasblar, tug’ilgan sanalar, telefon raqamlari, manzillar, ijtimoiy ta’minot raqamlari, bank hisob raqamlari va kredit ma’lumotlari mavjud edi.
Ma’lumotlar bazasi parol bilan himoyalanmagan va taxminan ikki hafta davomida ommaga ochiq bo’lgan. Sizib chiqqan ma’lumotlar qog’oz hujjatlarni raqamli fayllarga aylantirish kabi xizmatlarni ko’rsatuvchi Amerikaning Ascencion kompaniyasiga tegishli ekanligi aniqlandi.
Kompaniya vakillari ma’lumotlar o’g’irlanganini tasdiqladilar va ularning tizimlari buzib kirilmaganligini ta’kidladilar. Kompaniya barcha zarar ko’rgan mijozlarni hodisa haqida xabardor qilish va ma’lumotni tegishli organlarga yuborish niyatida.
