Android ilovalari foydalanuvchilarining ma’lumotlarini Facebook’ga yubormoqda.
Ma’lumotlar uzatilishi foydalanuvchi ijtimoiy tarmoqda faol akkauntga ega bo’lmasa ham sodir bo’ladi.
Yelp va Duolingo kabi mashhur Android ilovalari avtorizatsiyadan so’ng darhol shaxsiy ma’lumotlarni to’g’ridan-to’g’ri Facebook-ga yuboradi. Ushbu ma’lumotlar uzatilishi foydalanuvchi qurilmadagi Facebook ilovasiga kirmagan yoki faol Facebook akkauntiga ega bo’lmagan taqdirda ham sodir bo’ladi. Privacy International notijorat tashkilotining ma’lumotlariga ko’ra, Yelp va Duolingodan tashqari, ikkita musulmon ibodat ilovasi, Muqaddas Kitobni o’rganish ilovasi va Indeed ish qidirish ilovasi ham Facebook bilan ma’lumotlarni almashadi. Ushbu ma’lumotlar Facebook-ga maqsadli reklama uchun foydalanuvchilarni aniqlash imkonini beradi.
Privacy Internationalning yangi hisoboti o’tgan yilning dekabr oyida nashr etilgan avvalgi tadqiqotga asoslanadi. O’sha paytda tashkilot tadqiqotchilari mashhur Android va iOS ilovalari foydalanuvchi ma’lumotlarini Facebookga ruxsatsiz yuborayotgani haqida xabar berishgan edi. Privacy International hisoboti ta’sir ko’rsatdi va o’rganilgan ilovalarning uchdan ikki qismi, jumladan, Spotify, Skyscanner va KAYAK, ijtimoiy tarmoq bilan ma’lumotlarni almashishdan bosh tortdi. Biroq, yangi tadqiqot shuni ko’rsatadiki, ba’zi ilovalar hali ham foydalanuvchi ma’lumotlarini Facebook bilan almashadi.
