Android qurilmalari endi ilovalarga parolsiz kirish imkonini beradi.
Android 7.0 va undan keyingi versiyalari biometrik autentifikatsiyani qo’llab-quvvatladi.
Android foydalanuvchilari Google Play xizmatlarini yangilash uchun jiddiy sababga ega – Android 7.0 yoki undan keyingi versiyalarda ishlaydigan qurilmalar endi veb-saytlar va ilovalarga parol kiritmasdan kirish imkonini beradi. Open FIDO2 standartini qo’llab-quvvatlash tufayli endi turli xizmatlarga barmoq izi yoki PIN-kod yordamida kirish mumkin. Kuchli parollardan foydalanish foydalanuvchining onlayn identifikatsiyasini himoya qilishning juda ishonchli usuli hisoblanadi. Biroq, parollar odatda juda uzun va eslab qolish qiyin, shuningdek, ularni muntazam yangilashni talab qiladi. Ikki faktorli autentifikatsiya foydalanuvchi xavfsizligini ham oshiradi, ammo qimmatli vaqtni behuda sarflashi va chet elga sayohat qilayotganlar uchun muammolar tug’dirishi mumkin.
Yuqoridagilarning barchasini inobatga olgan holda, Google FIDO Alliance bilan hamkorlikda o’z xizmatlarida biometrik autentifikatsiyani qo’llab-quvvatlashni joriy qildi. Xavfsizlik nuqtai nazaridan, biometrik autentifikatsiya parollar va ikki faktorli autentifikatsiyaga qaraganda xavfsizroq, chunki biometrik ma’lumotlarni o’g’irlash yoki nusxalash ancha qiyin. Biometrik autentifikatsiya jarayoni qurilmada lokal ravishda amalga oshiriladi va foydalanuvchi tizimga kirgan ilova va xizmatlarga hech qanday maxfiy ma’lumotlar uzatilmaydi.
Barmoq izi sensori bo’lmagan qurilmalar egalari avtorizatsiya qilish uchun qurilmani qulfdan chiqarishda ishlatiladigan PIN-kod yoki naqshdan foydalanishlari mumkin bo’ladi.
