Apple ikki faktorli autentifikatsiya tufayli sudga berildi
Sud da’vosiga ko’ra, ikki faktorli autentifikatsiya avtorizatsiya jarayonini juda uzoq vaqtga cho’zadi.
Kaliforniyalik Jey Brodskiy Apple kompaniyasiga qarshi ikki faktorli autentifikatsiyani «noqonuniy» joriy etgani uchun sudga murojaat qildi. Brodskiyning ta’kidlashicha, ikki faktorli autentifikatsiya foydalanuvchilardan nafaqat parolni eslab qolishni, balki ishonchli telefon raqamiga kirishni ham talab qilib, ularning hayotini sezilarli darajada murakkablashtiradi. Kollektiv da’vo arizasiga ilova qilingan hujjatlarga ko’ra, bir nechta odamlar ikki faktorli autentifikatsiya tufayli allaqachon zarar ko’rishgan va zarar ko’rishda davom etmoqdalar. Zararlarga misol sifatida da’vogarlar ko’p vaqt talab qiladigan, ko’p bosqichli avtorizatsiya jarayoni bilan bog’liq moliyaviy yo’qotishlarni keltiradilar. Sudga ko’ra, ikki faktorli autentifikatsiya avtorizatsiya jarayonining ikki daqiqadan besh daqiqagacha davom etishiga olib keladi.
Brodskiyning so’zlariga ko’ra, 2015-yil sentabr oyi atrofida Apple bir qator yangilanishlar bilan ikki faktorli autentifikatsiyani sukut bo’yicha yoqdi, foydalanuvchilar uni o’chirib qo’yish mexanizmini joriy qilmadi. Bundan tashqari, foydalanuvchilar ikki faktorli autentifikatsiyani yoqgandan so’ng olgan elektron pochta xabarlari bu funksiyaning doimiy ekanligini aniq ko’rsatmaydi.
Da’vogarlar Apple kompaniyasini Kompyuter firibgarligi va suiiste’mollik to’g’risidagi qonunga binoan jarima to’lashga majburlash niyatida. Ular, shuningdek, sud qarori bilan yordam so’rashadi va Apple ikki faktorli autentifikatsiyani yoqishdan «nohaq olgan» «barcha mablag’lar, daromadlar va imtiyozlarni» talab qilishadi (da’vo arizasida qanday imtiyozlar ko’rsatilmagan).
