AQSh Assanjni Pentagon kompyuterlarini buzib kirish uchun Menning bilan til biriktirganlikda ayblamoqda.
WikiLeaks asoschisi besh yilgacha qamoq jazosiga hukm qilinishi mumkin.
AQSh Adliya vazirligi WikiLeaks asoschisi Julian Assanjni AQSh armiyasining sobiq harbiy tahlilchisi Chelsi Manningga (sobiq Bredli Manning) maxfiy ma’lumotlarga kirish uchun hukumat kompyuter parolini buzib kirishda yordam berganlikda aybladi. WikiLeaks asoschisi besh yilgacha qamoq jazosiga hukm qilinishi mumkin. Adliya vazirligining ma’lumotlariga ko’ra, 2010-yil mart oyida Assanj Manning bilan birgalikda maxfiy hujjatlarni saqlash uchun ishlatiladigan hukumat tarmog’i bo’lgan Maxfiy Internet Protocol Network (SIPRNet) ga ulangan Mudofaa vazirligi kompyuterlarini buzib kirishda yordam berish uchun til biriktirgan. Kompyuterlarga kirish huquqiga ega bo’lgan Manning maxfiy ma’lumotlarni yuklab olib, uni WikiLeaksga uzatgan.
11-aprel kuni Julian Assanj Ekvador hukumati uning diplomatik boshpanasini «xalqaro konventsiyalar va protokollarni muntazam ravishda buzgani» sababli bekor qilganidan so’ng, Londondagi Ekvador elchixonasida hibsga olindi. O’sha kuni WikiLeaks asoschisi Londonda sudga keltirildi va u yerda 2012-yilda Britaniya sudiga kelmagani uchun garov shartlarini buzganlikda aybdor deb topildi. Assanj bu ayblov uchun bir yilga ozodlikdan mahrum qilinishi mumkin. Uni AQShga ekstraditsiya qilish bo’yicha sud majlisi 2-may kuni boshlanadi va AQSh rasmiylari ayblovlarga tegishli hujjatlarni 12-iyunga qadar taqdim etishlari kerak.
