AQSh kiberhujumlar xavfi tufayli favqulodda holat rejimini uzaytirdi.
«Zararli kiberfaoliyatlar» AQSh milliy xavfsizligi va iqtisodiyotiga tahdid soladi.
«Davom etayotgan zararli kiberfaoliyat» tufayli AQSh prezidenti Donald Tramp 2015-yilda Barak Obama tomonidan e’lon qilingan milliy favqulodda holatni bir yilga uzaytirdi. Tegishli buyruq Oq uy veb-saytida joylashtirildi. Hujjatda bunday harakatlar AQSh milliy xavfsizligi, tashqi siyosati va iqtisodiyotiga tahdid solishi ta’kidlangan.
«Shuning uchun men 13694-sonli Ijroiya Farmonida e’lon qilingan milliy favqulodda holatni bir yilga uzaytirmoqdaman», dedi Tramp o’z bayonotida.
Milliy favqulodda holat e’lon qilish to’g’risidagi farmon 2015-yil 1-aprelda o’sha paytdagi prezident Barak Obama tomonidan imzolangan. Favqulodda holat dastlab bir yilga e’lon qilingan edi, ammo keyinchalik bir necha bor uzaytirildi.
