AQSh prezidentligiga nomzod CDC xakerlik guruhiga aloqadorligini oshkor qildi
O’nlab yillar davomida guruh a’zolari Beto O’Rourkening «O’lik sigir kulti»ga aloqadorligini sir tutishgan.
Demokratik partiyadan prezidentlikka nomzod Beto (Roberto) O’Rourke o’smirlik chog’ida uzoq vaqtdan beri faoliyat yuritib kelayotgan Cult of the Dead Cow (CDC) xakerlar jamoasi a’zosi bo’lgan. U buni Reuters agentligiga bergan intervyusida ma’lum qildi. CDC 1984-yilda Texas shtatining Lubbok shahrida tashkil etilgan va tashlandiq so’yishxona nomi bilan atalgan. Guruh Microsoft Windows tizimlarini buzish uchun vositalarni (masalan, RAT Back Orifice) ommaga e’lon qildi. CDC shuningdek, siyosiy g’oyalar, so’z erkinligi, inson huquqlari va axborot erkinligini ilgari surish uchun kompyuterlardan foydalanishni anglatuvchi «xakerlik» atamasini ham yaratdi.
Guruh faoliyati internet paydo bo’lishidan oldin boshlangan. O’sha paytda kompyuter egalari kommutatsiya telefon tarmoqlaridan foydalangan holda e’lonlar taxtasi tizimlari (BBS) orqali aloqa qilishgan. Foydalanuvchilar tizimga modem orqali ulanishlari, ma’lumotlarni ko’rishlari va xabarlar joylashtirishlari mumkin edi. CDC a’zolarining aksariyati turli xil elektron maqolalarni tarqatish orqali BBSlarini saqlab qolishgan.
Uzoq masofali qo’ng’iroqlar oyiga bir necha yuz dollarga tushardi va tashabbuskor o’smirlar boshqa birovning hisobidan qo’ng’iroq qilish uchun turli usullardan foydalanishardi. O’Rourke qo’ng’iroqlar uchun pul to’lamaslik uchun qanday aniq usullardan foydalanganini oshkor qilmadi. U Kolumbiya universitetiga o’qishga kirganida BBS boshqaruvini topshirganini aytdi.
Reuters agentligining xabar berishicha, guruh a’zolari O’Rourkening CDC bilan aloqasini o’nlab yillar davomida sir tutgan. Uning o’zi ham buni saylovoldi kampaniyasi boshida tan olgan. Hozirda prezidentlikka nomzod kiberhujumlarda ishtirok etgani yoki boshqa birovning tizimni buzib kirishiga imkon beradigan kod yozganiga oid hech qanday dalil yo’q.
