Avstraliya parlamenti kiberhujumga uchradi.
Mamlakat rasmiylari hali ham voqea paytida ma’lumotlar sizib chiqishiga oid dalillarni topa olmadilar.
Avstraliya razvedka idoralari Federal Parlamentning kompyuter tarmog’iga qilingan hujumni tekshirmoqda, deb xabar berdi ABC. Federal Parlament bayonotiga ko’ra, rasmiylar hali voqea paytida ma’lumotlar sizib chiqishiga oid dalillarni topa olishmagan. Hozirda tarmoq xavfsizligini ta’minlash va hodisadan yetkazilgan zararni minimallashtirish ustida ish olib borayotgan Avstraliya Signallar Boshqarmasi (ASD) kiberhujum o’z vaqtida to’xtatilganini ma’lum qildi. Ehtiyot chorasi sifatida mutaxassislar kompyuter tizimi parollarini qayta o’rnatdilar.
«Bizda bu parlament ishlari natijalariga ta’sir o’tkazish yoki saylov yoki siyosiy jarayonlarni buzish yoki ularga ta’sir o’tkazishga urinish bo’lganiga oid hech qanday dalil yo’q. Kiber hodisani aniq baholash vaqt talab etadi […] tergov tegishli xavfsizlik xizmatlari bilan birgalikda olib borilmoqda», dedi parlament vakillari o’z bayonotida.
Bosh vazir Skott Morrison hujumlar biron bir federal departament yoki agentlikni nishonga olmaganini aytdi, ammo u parlamentda voqea tafsilotlarini berishdan bosh tortdi.
