Bankomatlardan 16 million rubl o‘g‘irlashda gumon qilingan shaxslar qo‘lga olindi.
Hujumchilar mamlakatning turli shaharlaridagi 22 bankomatning xavfsizlik tizimlarini buzib kirishdi.
Huquq-tartibot idoralari xodimlari 20 dan ortiq bankomatlardan 16 million rubl o‘g‘irlashda gumon qilingan jinoiy guruhni qo‘lga oldi, deb xabar berdi Rossiya IIV matbuot xizmati.
E’lon qilingan bayonotga ko‘ra, guruh o‘z sheriklari yordamida bankomatlar xavfsizlik tizimlarini buzib, pul mablag‘larini olib qo‘ygan to‘qqiz nafar Perm fuqarosidan iborat bo‘lgan. Umuman olganda, jinoyatchilar Stavropol, Pyatigorsk, Kislovodsk va Mineralniye Vodidagi 22 ta bank terminallaridan 16 million rubldan ortiq pul o‘g‘irlab ketishgan.
Xodimlar turar joyni ko‘zdan kechirish chog‘ida 490 dona bank kartalari, kompyuter disklari, aloqa vositalari va o‘g‘irlangan mablag‘larning bir qismini olib qo‘yishgan.
Qo‘lga olinganlarga nisbatan Rossiya Jinoyat kodeksining 210-moddasi 1 va 2-qismlari, 158-moddasi 4-qismi “b” bandi va 272-moddasi 2-qismi bilan jinoyat ishi qo‘zg‘atilgan. Guruhning olti nafar aʼzosi hibsda, uch nafari uy qamogʻida.
