Butunjahon oʻrgimchak toʻri konsorsiumi rasman WebAuthn standartini tasdiqladi.
Yangi tizim qulay va xavfsiz autentifikatsiyani ta’minlashi va standart parollarni almashtirishi kerak.
Butunjahon oʻrgimchak toʻri konsorsiumi (W3C) va FIDO alyansi xavfsiz, parolsiz onlayn kirish uchun yangi veb-autentifikatsiya (WebAuthn) standartini qabul qilishdi. Yangi tizim qulay va xavfsiz autentifikatsiyani taʼminlashi va standart parollarni almashtirishi kutilmoqda. WebAuthn foydalanuvchilarga biometrik autentifikatsiya mexanizmlari, mobil qurilmalar va/yoki FIDO kalitlari yordamida oʻz akkauntlariga kirish imkonini beradi. Mualliflarning fikriga koʻra, ushbu tizim foydalanuvchilar koʻpgina veb-saytlarda foydalanadigan aniq parollarga qaraganda xavfsizroq.
WebAuthn spetsifikatsiyasini qo’llab-quvvatlash allaqachon Windows 10, Google Android va Chrome, Mozilla Firefox, Microsoft Edge va Apple Safari’da joriy etilgan.
Butunjahon oʻrgimchak toʻri konsorsiumi (W3C) butun internet uchun yagona standartlarni ishlab chiqadigan va amalga oshiradigan tashkilotdir. U 1994-yilda tashkil etilgan. Konsorsium asoschisi va raisi axborot texnologiyalari sohasidagi koʻplab ixtirolar muallifi Timoti Jon Berners-Li hisoblanadi.
