Car2Go avtomobil almashish xizmati firibgarlarga yuzlab qimmatbaho Mercedes-Benz avtomobillarini yo’qotdi.
Jinoyatchilar mashinalarni qanday qilib o’g’irlashga muvaffaq bo’lganliklari hozircha noma’lum.
Chikago politsiyasi Car2Go avtomobil ijarasi kompaniyasidan yuzlab hashamatli Mercedes-Benz avtomobillarini o’g’irlashda gumon qilingan o’ndan ortiq odamni hibsga oldi. CBS Chicago o’g’rilar Car2Go mobil ilovasini buzib kirganliklarini xabar qildi, ammo kompaniya buni rad etdi va bu firibgarlik ekanligini da’vo qildi. O’g’rilar mashinalarni qanday o’g’irlagani hozircha noma’lum. Ko’rinishidan, muammo faqat Chikago bilan cheklangan. Mahalliy politsiya hozirda mashinalarni qaytarib olish ustida ishlamoqda. CBS Chicago ma’lumotlariga ko’ra, o’g’irlangan mashinalarning ko’pi «jinoyat sodir etish uchun ishlatilgan».
Politsiya vakili The Verge nashriga bergan intervyusida huquqni muhofaza qilish organlari xodimlari o’g’irlikda gumon qilingan 16 kishini hibsga olganini aytdi.
«Bizga avtomobil ijarasi kompaniyasidan ba’zi avtomobillar mobil ilova orqali firibgarlik yoki aldamchi tarzda ijaraga olingan bo’lishi mumkinligi haqida xabar keldi. Avtomobillarning bir nechtasi allaqachon musodara qilingan va gumondorlar so’roq qilinmoqda», deyiladi politsiya bayonotida.
O’g’irlik tufayli Car2Go Chikagodagi xizmatini vaqtincha to’xtatdi. Kompaniya bu xakerlik emas, balki faqat Chikago bilan chegaralangan firibgarlik hodisasi ekanligiga ishontirmoqda. Car2Go shuningdek, voqea natijasida mijozlarining shaxsiy yoki maxfiy ma’lumotlari oshkor qilinmaganligini da’vo qilmoqda.
