Donald Tramp AQSh axborot texnologiyalarini himoya qilish to’g’risidagi farmonni imzoladi.
Bu buyruq Amerika kompaniyalariga AQSh milliy xavfsizligiga xavf tug’diradigan xorijiy ishlab chiqaruvchilardan uskunalar sotib olishni taqiqlaydi.
AQSh prezidenti mamlakatning axborot va kommunikatsiya tarmoqlarini himoya qilish uchun hukumat vakolatlarini kengaytirish maqsadida milliy favqulodda holat eʼlon qilish toʻgʻrisidagi farmonni imzoladi. Xususan, farmon Amerika kompaniyalariga AQSh milliy xavfsizligiga xavf tugʻdiradigan xorijiy ishlab chiqaruvchilardan uskunalar sotib olishni taqiqlaydi. “Xorijiy raqiblar Qoʻshma Shtatlar va uning fuqarolariga qarshi iqtisodiy va sanoat josusligi kabi zararli faoliyatni amalga oshirish uchun katta miqdordagi maxfiy maʼlumotlarni saqlaydigan va uzatadigan, raqamli iqtisodiyotni osonlashtiradigan va muhim infratuzilma va muhim favqulodda xizmatlarni qoʻllab-quvvatlaydigan axborot va kommunikatsiya texnologiyalari va xizmatlarida zaifliklarni tobora koʻproq yaratmoqdalar va ulardan foydalanmoqdalar”, deyiladi hujjatda.
Kecha AQSh Savdo vazirligi Xitoyning Huawei telekommunikatsiya kompaniyasini va unga aloqador 70 ta firmani «Sub’ektlar ro’yxati»ga qo’shdi – bu AQSh kompaniyalari bilan ishlashni cheklash yoki butunlay taqiqlash kerak bo’lgan tashkilotlar va kompaniyalar ro’yxati. Ro’yxat kuchga kirgandan so’ng, Xitoy texnologiya giganti AQSh hukumatining roziligisiz amerikalik sheriklardan uskunalar va komponentlarni sotib ololmaydi.
Eslatib o’tamiz, Huawei ilgari hukumatlar bilan 5G tarmoqlarini joylashtirishda ishtirok etishga imkon beradigan josuslik bo’lmagan bitimlarni imzolashga tayyorligini e’lon qilgan edi.
