Eron «buzilishdan himoyalangan» aloqa tizimini ishlab chiqdi
“Seper-110” deb nomlangan yangi tizim Eron Qurolli kuchlarining elita bo‘linmalari tomonidan qo‘llaniladigan qo‘mondonlik va boshqaruv tizimlarining harakatchanligini yaxshilaydi.
Tasnim agentligi xabariga ko‘ra, Islom inqilobi qo‘riqchilari korpusi (IRGC, Eron Qurolli kuchlarining elit bo‘linmasi) qo‘mondoni brigada generali Husayn Salamiy ovoz va boshqa ma’lumotlarni uzatish uchun xususiy tizim ishlab chiqilishini ma’lum qildi. Generalning so‘zlariga ko‘ra, “Seper-110” nomini olgan yangi tizim Eron Qurolli kuchlarining elita bo‘linmalari tomonidan qo‘llaniladigan qo‘mondonlik va boshqaruv tizimlarining harakatchanligini va raqamli hujumlarga qarshi turishini yaxshilaydi. Tizim quruqlikda, dengizda va havoda, xususan, hujum operatsiyalari paytida turli xil harbiy mashinalarga o’rnatilishi mumkin.
Agentlikning aniqlik kiritishicha, Seper-110 turli xil raqamli aloqa texnologiyalarini o’z ichiga oladi, bu tizimga ovoz, tasvir va ma’lumotlarni turli chastota diapazonlarida uzatish imkonini beradi. Eron rasmiylariga ko‘ra, yangi tizim xakerlik, tinglash, radio shovqinlari va elektromagnit shovqinlardan ham himoyalangan.
