Eron rasmiylari Markaziy razvedka boshqarmasining kiber josuslik tarmog’i demontaj qilinganini e’lon qildi.
Tehron topilgan tuzilma haqidagi ma’lumotlarni boshqa davlatlar bilan bo’lishdi.
Eron xavfsizlik kuchlari AQSh Markaziy razvedka boshqarmasi tomonidan boshqariladigan yirik kiberjosuslik tarmog‘ini fosh qildi, deb xabar bermoqda Reuters. “Eron razvedka xizmatlari Markaziy razvedka boshqarmasining eng murakkab kiberjosuslik tarmoqlaridan birini aniqladi va zararsizlantirdi, bu agentlikning turli mamlakatlardagi operatsiyalarida muhim rol oʻynaydi”, – dedi Eron Milliy xavfsizlik oliy kengashi kotibi Ali Shamxaniy.
Shuningdek, u Tehron fosh qilingan tuzilma haqidagi ma’lumotlarni bir nechta hamkorlari bilan bo‘lishganini qo‘shimcha qildi. Natijada Markaziy razvedka boshqarmasining bir qancha agentlari hibsga olindi. Shamxaniy Markaziy razvedka boshqarmasining qancha xodimi va qaysi davlatlarda hibsga olingani haqida ma’lumot bermadi.
Shu yilning aprel oyi boshida Buyuk Britaniya Eronni “milliy infratuzilmaning asosiy elementlari”ga kiberhujumlarda ayblagan edi. Kiberhujumlar birinchi navbatda xususiy kompaniyalarga, jumladan banklarga qaratilgan.
