Facebook bosh direktori internetni tartibga solish bo’yicha global qoidalarni ishlab chiqishni taklif qilmoqda
Mark Tsukerbergning fikricha, bunday qadam jamiyatni keng ko’lamli xavflardan himoya qilishga yordam beradi.
Facebook asoschisi Mark Tsukerberg hukumatlar internetni tartibga solishda faolroq ishtirok etishi kerak, deb hisoblaydi. U o’z fikrlarini ochiq xatda bildirdi. Facebook bosh direktori to’rtta sohada yangi qoidalarni taklif qilmoqda: zararli kontent, saylov yaxlitligi, ma’lumotlar maxfiyligi va platformalar o’rtasida ma’lumotlarni uzatish. Tsukerberg «barcha zararli kontentni olib tashlash mumkin emas», deb ta’kidladi, ammo bir nechta ma’lumotlar almashish xizmatlaridan foydalanish «yanada standartlashtirilgan yondashuvni» talab qiladi. Xususan, qaysi kontent zararli deb hisoblanishini belgilaydigan va kompaniyalardan bunday kontentni minimallashtirish choralarini ishlab chiqishni talab qiladigan yangi qoidalar qabul qilinishi kerak.
Tsukerberg shuningdek, saylov jarayonini va saylovga oid materiallarning yaxlitligini himoya qilish zarurligini ta’kidladi. Uning ta’kidlashicha, onlayn reklamaning siyosiy mohiyatini anglash har doim ham oson emas. Shuning uchun, yangi tahdidlar va o’rnatilgan umumiy sanoat standartlarini bartaraf etish uchun qonunchilikni yangilash kerak.
Shaxsiy ma’lumotlar maxfiyligi va turli platformalar orqali ma’lumotlarni uzatish imkoniyatlari sohalarida ham yagona qoidalar zarur. Barcha mamlakatlar uchun umumiy global asosning joriy etilishi internetning parchalanmasligini va har bir foydalanuvchi teng himoyalanganligini ta’minlaydi, deb hisoblaydi Tsukerberg.
“Internet qoidalarini yangilash orqali biz uning eng yaxshi xususiyatlarini – soʻz erkinligini va tadbirkorlar uchun yangi narsalarni yaratish imkoniyatini saqlab qolishimiz mumkin. Shu bilan birga, bunday qadam jamiyatni keng koʻlamli xavflardan himoya qilishga yordam beradi”, deb hisoblaydi Facebook bosh direktori.
