Federatsiya Kengashi “raqamli profil” tushunchasini kiritishni taklif qildi.
Federatsiya Kengashi identifikatsiya qilish va autentifikatsiya qilish tartib-qoidalariga aniqlik kiritish maqsadida qonun hujjatlariga o‘zgartirishlar kirituvchi qonun loyihasini e’lon qildi.
Federatsiya Kengashi «raqamli profil» tushunchasini kirituvchi federal qonun loyihasini e’lon qildi. Hujjat bilan ayrim qonun hujjatlariga (xususan, identifikatsiya va autentifikatsiya tartib-qoidalariga aniqlik kirituvchi) o‘zgartishlar kiritish taklif etiladi. Hujjatga ko’ra, raqamli profil «davlat organlari, mahalliy davlat hokimiyati organlari va federal qonunlarga muvofiq muayyan davlat vakolatlarini amalga oshiruvchi tashkilotlarning axborot tizimlarida, shuningdek, identifikatsiya va autentifikatsiyaning yagona tizimida mavjud bo’lgan fuqarolar va yuridik shaxslar to’g’risidagi ma’lumotlar» to’plamidir.
Tashabbus mualliflari jismoniy shaxslar, tashkilotlar, davlat idoralari va mahalliy hukumatlarga fuqarolarning raqamli ma’lumotlarini almashish imkonini beradigan raqamli profil infratuzilmasini yaratishni taklif qilmoqda. “Raqamli profil infratuzilmasi raqamli profilga kirishni ta’minlaydigan yagona identifikatsiya va autentifikatsiya tizimidagi tizimlar to‘plamidir”, — deyiladi hujjatda.
Raqamli profil infratuzilmasi jismoniy va yuridik shaxslarni identifikatsiya qilish va autentifikatsiya qilish, raqamli profil ma’lumotlariga kirish, shaxsiy ma’lumotlarni qayta ishlashga rozilik olish va uni bekor qilish, davlat va kommunal xizmatlarni olish uchun ma’lumotlarni taqdim etish, jismoniy va yuridik shaxslar to‘g‘risidagi ma’lumotlarni yangilash imkonini beradi.
