Germaniya va Gollandiya qo’shma harbiy internet ustida ishlamoqda.
Tarmoqni yaratish uchun 12 milliard yevro ajratilgan va moliyalashtirish 2030 yilgacha davom etadi.
Germaniya va Niderlandiya hukumatlari tarixda birinchi qo‘shma harbiy internet yaratishga kelishib oldilar. Ikki davlat mudofaa vazirlari Ursula fon der Leyen va Anka Bijleveld NATO mudofaa vazirlari yig’ilishi bo’lib o’tayotgan Bryusselda kelishuvni imzoladi. “European Security & Defence” harbiy jurnali maʼlumotlariga koʻra, qoʻshma loyiha “Tactical Edge Networking” (TEN) deb nomlanadi. Tarmoqni yaratish uchun 12 milliard yevro ajratilgan, moliyalashtirish 2030 yilgacha davom etadi.
TEN shtab-kvartirasi Germaniyaning Koblenz shahrida, texnologik dizayn va prototiplash markazi esa Niderlandiyaning Amersfort shahrida joylashgan bo‘ladi. Dastlab, TEN Germaniya armiyasining quruqlikdagi operatsiyalari (D-LBO) va Gollandiya Mudofaa vazirligining FOXTROT taktik aloqa dasturi o’rtasida aloqalarni o’rnatadi.
2018-yilda Germaniya va Niderlandiya raqamli makonda harbiy harakatlarga qo‘shinlarni tayyorlash bo‘yicha o‘z dasturlarini ishga tushirdi: D-LBO, avval MoTaKo (Mobile Taktische Communikation) va FOXTROT. Endi bu ikki dastur TEN ostida birlashtiriladi.
TEN tarmog’ida ishlaydigan qo’shinlar ishlab chiqarilgan mamlakatdan qat’i nazar, bir xil kompyuterlar, radiolar, planshetlar va telefonlardan foydalanadilar.
