GLONASS sun’iy yo’ldosh signallari kiberhujumlardan himoyalanadi.
Mutaxassislar oldida firibgarlik hujumlarining oldini olish uchun signal himoyasini kuchaytirish vazifasi turibdi.
Kelajakdagi GLONASS sun’iy yo’ldoshlarining signallari kiberhujumlardan himoyalanadi. Bu haqda GLONASS OAJ bosh konstruktori (ERA-GLONASS tizimining operatori) Mixail Korablyov Transport xavfsizligi forumi chog‘ida ma’lum qildi. Mutaxassislarga GLONASS tizimining aniqligini oshirishdan tashqari, spoofing hujumlarining (navigatsiya signalini qalbakilashtirish) oldini olish uchun signal xavfsizligini kuchaytirish vazifasi yuklatilgan.
«Kema navigatsiyasida shovqin bilan bog’liq muammo bor. Barcha dengiz kemalari sun’iy yo’ldosh navigatsiyasidan foydalanadi, shuningdek, kemalarga aniq manzilni aniqlashga xalaqit beradigan axborot hujumlari holatlari tasdiqlangan. Shu sababli, yangi dasturning maqsadlaridan biri aniqlikni oshirishdan tashqari, xavfsizlikni kuchaytirishdir», – deya Korablyov so’zlarini keltiradi TASS.
Mutaxassis sun’iy yo’ldosh signali aniq qanday himoya qilinishini oshkor qilmadi.
Butun GLONASS navigatsiya tizimini to’liq mahalliy ishlab chiqarilgan komponentlardan yig’ilgan Glonass-K2 sun’iy yo’ldoshlari bilan yangilash rejalashtirilgan. Birinchi Glonass-K2 sun’iy yo‘ldoshi 2019-yil oxiri yoki 2020-yil boshida orbitaga chiqarilishi kutilmoqda.
