Google foydalanuvchilarning Gmail orqali xaridlarini kuzatib bormoqda.
Kompaniya nima uchun bunday ma’lumotlarni to’plashini tushuntirmadi.
Google foydalanuvchilarning onlayn xaridlari haqidagi ma’lumotlarni Gmail orqali saqlaydi, bu yerga xizmatlar va tovarlar uchun to’lov tasdiqlari yuboriladi. Muammo md3372 nomli Reddit foydalanuvchisining e’tiboriga havola qilindi, u o’zining Google akkauntidagi «Xaridlar» sahifasida Amazon va boshqa onlayn-do’konlarda amalga oshirgan barcha xaridlari haqidagi ma’lumotlar saqlanayotganini aniqladi. Biroq, md3372 ushbu xaridlarni amalga oshirish uchun Google Pay’dan foydalanmadi.
Google xarid haqidagi ma’lumotlar faqat unga egalik qiluvchi foydalanuvchilar uchun mavjud ekanligini va agar xohlasangiz, bu ma’lumotlarni o’chirib tashlash mumkinligini ta’kidladi. Biroq, amalda hamma narsa unchalik oddiy emas edi. Kompaniya barcha ma’lumotlarni birdaniga o’chirish uchun bitta variantni taqdim etmadi. Buning o’rniga, foydalanuvchilar har bir xaridni ochib, «Xaridni olib tashlash» tugmasini bosishlari, keyin ma’lumot olingan asl elektron pochtani o’chirishlari kerak bo’ladi.
Google foydalanuvchilarga reklamalarni namoyish qilish uchun Gmail’dan foydalanmasligiga va shaxsiy ma’lumotlarni (shu jumladan, Gmail va Google akkaunt ma’lumotlarini) reklama kompaniyalari bilan sotmasligiga yoki almashmasligiga ishontirdi. Biroq, texnologiya giganti nima uchun bunday ma’lumotlarni to‘plashini yoki ularni o‘chirish nima uchun bunchalik qiyinligini tushuntirmadi. Kompaniya vakillarining so‘zlariga ko‘ra, Google ma’lumotlar ustidan ko‘proq nazoratni ta’minlash uchun sozlamalarni soddalashtirishni ko‘rib chiqmoqda.
