Google muhandislari Chrome brauzerida HTTP fayllarini yuklab olishni blokirovka qilish funksiyasini ko’rib chiqmoqdalar.
Ushbu chora xavfsizroq HTTPS protokoli yordamida saytlarda boshlangan HTTP fayllarini yuklab olishlarga nisbatan qo’llaniladi.
Google Chrome ishlab chiquvchilari brauzerda HTTPS veb-saytlarida xavfsiz bo’lmagan HTTP orqali fayllarni yuklab olishni sukut bo’yicha bloklaydigan funksiyani joriy etishni ko’rib chiqmoqdalar. Muhandislar bu blokirovka faqat ma’lum «yuqori xavfli» fayl turlariga, xususan, EXE (Windows bajariladigan fayl), DMG (macOS bajariladigan fayl), CRX (Chrome kengaytma paketi) va ZIP, GZIP, BZIP, TAR, RAR va 7Z kabi keng tarqalgan arxiv formatlariga ta’sir qilishini tasavvur qilmoqdalar. Ushbu fayl turlari «potentsial xavfli» deb hisoblanadi, chunki ular ko’pincha zararli dasturlarni yashirish uchun ishlatiladi.
Ushbu chora faqat xavfsizroq HTTPS protokolidan foydalanadigan saytlarda boshlangan HTTP fayllarini yuklab olishlarga nisbatan qo’llaniladi, chunki Chrome allaqachon HTTP orqali ishlaydigan resurslarga kirishda foydalanuvchilarni xavfsiz bo’lmagan ulanish haqida ogohlantirmoqda.
Mozilla ishlab chiquvchilari allaqachon yangi tashabbusga qiziqish bildirishgan. Kompaniya vakillari bu g’oyani Google va boshqa manfaatdor tomonlar bilan muhokama qilishga tayyor ekanliklarini aytishdi.
Google muhandisi Emily Starkning tushuntirishicha, ishlab chiquvchilar Chrome’ning ish stoli versiyasida yangi funksiyani joriy etishga e’tibor qaratadilar, chunki brauzerning Android versiyasida shubhali .APK fayllarini yuklab olishni bloklaydigan shunga o‘xshash funksiya allaqachon mavjud.
