Huawei barcha mamlakatlar bilan «antispionaj» kelishuvlarini imzolashga tayyor.
Huawei asoschisi kompaniyani o’z uskunalariga orqa eshiklarni o’rnatishga majbur qilinsa, uni yopib yuborishga va’da berdi.
Xitoy telekommunikatsiya kompaniyasi Huawei 5G tarmoqlarini joriy etishda ishtirok etishga ruxsat beradigan hukumatlar bilan josuslikka qarshi kelishuvlarni imzolashga tayyor. Bu haqda seshanba kuni texnologik gigant raisi Liang Hua ma’lum qildi. «Biz, jumladan Buyuk Britaniya hukumatlari bilan josuslikka qarshi kelishuvlarni imzolashga va uskunalarmizni ‘josuslik yo’q, orqa eshik yo’q’ standartlariga muvofiqlashtirishga tayyormiz», dedi Liang Londondagi matbuot anjumanida.
Yaqinda Xitoy telekommunikatsiya giganti asoschisi, milliarder Ren Zhenfey, agar kompaniya uskunalariga orqa eshiklarni o’rnatishga majbur qilinsa, kompaniyani yopib tashlashga va’da berdi.
Bu va’da AQShning pozitsiyasiga ta’sir qilishi shubhali, chunki u boshqa davlatlarni Xitoy hukumati tomonidan josuslik xavfi sabab Huawei uskunalaridan voz kechishga chaqirmoqda. Reutersga ko’ra, AQSh prezidenti Donald Tramp milliy xavfsizlikka tahdid soluvchi ishlab chiqaruvchilardan uskuna ishlatishni amerikalik kompaniyalarga taqiqlovchi farmon imzolashi kutilmoqda, bu esa ehtimol Huawei’ga tegishli bo’ladi.
Oldin xabar berilganidek, Buyuk Britaniya hokimiyatlari Huawei uskunalaridan foydalanishga cheklovlar joriy etilsa, 5G tarmoqlarini ishga tushirishni kechiktirishni ko’rib chiqmoqda. Yakuniy qaror telekommunikatsiya uskunalari ta’minoti zanjiriga oid o’z tergov natijalariga asoslanib qabul qilinadi.
