iOS 12.1.4 yangilanishi tarmoq ulanishida muammolarga olib keldi
Muammo iOS 12 ning birinchi versiyasidan beri foydalanuvchilarni qiynab kelmoqda.
Apple o’zining mobil operatsion tizimi uchun iOS 12.1.4 yangilanishini chiqardi, bu yangilanish bir qator muammolarni hal qilishga qaratilgan. Xususan, u iPhone egalarini yashirincha kuzatib borishga imkon bergan mashhur FaceTime zaifligini, shuningdek, freymvorklardagi ikkita jiddiy nol kunlik zaiflikni tuzatdi. Yangilanish foydalanuvchi tajribasini yaxshilashi kerak bo’lsa-da, u to’liq natija bermadi. Forbes ma’lumotlariga ko’ra, iOS 12.1.4 Wi-Fi va operator tarmoqlari orqali internet ulanishlari bilan bog’liq muammolarni keltirib chiqarmoqda va ba’zi hollarda iPhone’lar hatto SIM-kartani taniy olmay qolgan. Bu muammolar iOS 12 ning birinchi versiyasidan beri foydalanuvchilarni qiynab kelmoqda va har bir yangilanish bilan ular yaxshilanmadi. Endi bu muammo hatto o’tgan safar undan qochish baxtiga muyassar bo’lganlarga ham ta’sir qildi.
«Kecha men iPhone 7 Plus telefonimga 12.1.4 yangilanishini o’rnatdim. Mobil internetdan foydalanish deyarli yo’q! Tezligim 0.06-0.10. Topa olgan barcha tavsiyalarni sinab ko’rdim. Hatto telefonni qayta ishga tushirdim. Hech qanday o’zgarish yo’q. Yordam bering!» deb yozadi Twitter foydalanuvchilaridan biri.
Yangilanishni o’rnatgan foydalanuvchilar ovozli yozuvlar, fotosuratlar, elektron pochta, Touch ID va AirPods bilan bog’liq muammolar haqida ham xabar berishadi.
