iOS uchun WhatsApp endi biometrik autentifikatsiyani qo’llab-quvvatlaydi.
Endi iOS qurilmalari foydalanuvchilari ilovaga kirish uchun Face ID yoki Touch ID sensorlaridan foydalanishlari mumkin.
Facebook’ning iOS uchun mo‘ljallangan WhatsApp ilovasi biometrik autentifikatsiyani qo‘llab-quvvatlaydigan yangi xavfsizlik xususiyatini taqdim etdi. Foydalanuvchilar endi ilovani bloklashlari mumkin, bu esa har safar ishga tushirilganda yuz yoki barmoq izi orqali autentifikatsiyani (mos ravishda Face ID yoki Touch ID yordamida) talab qiladi. Yangi funksiya WhatsApp 2.19.20 versiyasiga qo‘shildi. App Store’dagi ilova tavsifiga ko‘ra, uni Sozlamalar> Hisob > Maxfiylik bo‘limiga o‘tish orqali yoqish mumkin. Alohida suhbatlarni emas, balki butun ilovani bloklay olmasangiz ham, Screen Lock suhbatlaringiz maxfiyligini himoya qilish uchun qo‘shimcha xavfsizlik qatlamini qo‘shadi.
Qulflash funksiyasi yoqilgan holda, foydalanuvchilar hali ham WhatsApp bildirishnomalarini ko’rishlari va iOS ichidagi xabarlarga tezda javob berishlari mumkin bo’ladi, ammo butun ilovaga kirish uchun biometrik autentifikatsiya talab qilinadi. Agar mobil qurilma sensorlari to’satdan yuzingizni yoki barmoq izingizni taniy olmasa, WhatsApp qulfini ochish uchun iPhone parolingizdan foydalanishingiz mumkin.
