Janubiy Koreya hukumati Windows’dan Linux’ga o‘tadi.
Linux distributivi avval Ichki ishlar va xavfsizlik vazirligi kompyuterlarida sinovdan o’tkaziladi.
Koreya Respublikasi Ichki ishlar va xavfsizlik vazirligi pulni tejash va bitta operatsion tizimga qaramlikni kamaytirish maqsadida Windows’dan Linux’ga o‘tishni rejalashtirmoqda. Korea Herald nashrining xabar berishicha, Linux distributivi avval vazirlik kompyuterlarida sinovdan o‘tkaziladi va agar jiddiy xavfsizlik yoki moslik muammolari aniqlanmasa, boshqa bo‘limlar unga o‘tkaziladi. Distributivning nomi va uni joylashtirish muddati aniqlanmagan. Janubiy Koreya hukumatining Linux’ga o‘tish to‘g‘risidagi qarori tushunarli. Windows 7 uchun bepul qo‘llab-quvvatlash muddati 2020-yil yanvar oyida tugaydi va ushbu OT’da ishlaydigan ko‘plab kompyuterlarni saqlab qolish hukumat uchun ancha qimmatga tushadi. 2023-yilda Koreya o‘zining hukumat tizimlarini Windows’ning yangi versiyasiga yangilashi kerak bo‘ladi. Ushbu tizimlarni qo‘llab-quvvatlash ham qimmatga tushadi, ammo xarajatlar unchalik katta bo‘lmaydi.
Janubiy Koreya hukumatining Windows’ga qo‘ygan taqiqi Microsoft’ni xursand qilishi ehtimoldan yiroq. Biroq, bu kompaniyaga o‘n yil avvalgidek ta’sir qilmaydi. Hozirda kompaniya Windows’ning nusxalarini sotishdan ko‘ra bulutli xizmatlarini targ‘ib qilishga ko‘proq qiziqmoqda. Koreya hukumati o‘z operatsion tizimiga taqiq qo‘yganidan keyin ham, Microsoft o‘z xizmatlarini sotishdan foyda ko‘rishi mumkin.
