Kiberjinoyatchilar yirik farmatsevtika kompaniyasi Bayerga hujum qilishdi.
Kompaniyaning kompyuter tarmoqlarida Xitoyning Winnti kiberjinoyatchilar guruhi arsenalidan dasturiy ta’minot aniqlandi.
Germaniyaning eng yirik farmatsevtika kompaniyasi Bayer o’zining kompyuter tizimlariga qilingan kiberhujumni aniqlagani va to’xtatganini e’lon qildi. O’tgan yilning boshida mutaxassislar kompaniya tarmoqlarida Winnti kiberjinoyatchilar guruhining zararli dasturlarini aniqladilar va yaqin vaqtgacha uning faoliyatini yashirincha kuzatib borishdi, shundan so’ng zararli dastur olib tashlandi, deb xabar beradi Reuters. Tadqiqotchilar ma’lumotlarning buzilishiga oid hech qanday dalil topmadilar, ammo umumiy zararni baholash hali ham davom etmoqda.
Joriy yil boshidan beri yana uchta nemis kompaniyasida Winnti zararli dasturi aniqlandi. 2016-yilda guruh shuningdek, Germaniyaning ThyssenKrupp sanoat guruhi tarmoqlariga ham hujum qildi.
Xavfsizlik tadqiqotchilari tomonidan Axiom va APT17 nomi bilan ham tanilgan Winnti guruhi Xitoy bilan bog’langan. Vaqt o’tishi bilan Winnti infratuzilmasi va vositalari Xitoy hukumati uchun ishlaydigan boshqa guruhlar, jumladan, BARIUM, Wicked Panda, GREF va PassCV tomonidan foydalanila boshlandi. Tadqiqotchilar bu guruhlarni Winnti Umbrella nomi ostida birlashtirdilar.
Kaspersky Lab ma’lumotlariga ko’ra, Winnti Umbrella guruhlaridan biri (xususan, BARIUM) yaqinda ASUS kompyuterlarini orqa eshik bilan yuqtirish bilan bog’liq hodisaga aloqador bo’lishi mumkin.
