Microsoft foydalanuvchilarni Internet Explorer’dan voz kechishga ochiqchasiga chaqirdi.
Kompaniya tushuntirganidek, IE brauzer emas, balki moslik yechimidir.
Microsoft to’rt yil oldin Internet Explorerni «o’ldirgan» va Edge ni Windows 10 uchun zamonaviy brauzer sifatida tanlagan. Biroq, Internet Explorer Windows uchun vositachi dastur sifatida mavjud bo’lib qolmoqda va tizim ma’murlari undan voz kechishga shoshilmayaptilar. Shunga qaramay, IE allaqachon ancha eskirgan va ishlab chiqaruvchi o’z mijozlarini boshqa mahsulotni standart brauzer sifatida ishlatishga ochiqchasiga chaqirdi. O’tgan hafta Microsoft xavfsizlik bo’yicha mutaxassisi Kris Jekson Windows IT Pro blogida «Internet Explorer dan standart brauzer sifatida foydalanishning xavflari» nomli post chop etdi. Mutaxassis ta’kidlaganidek, IE «moslik yechimi, brauzer emas».
Uy foydalanuvchilari odatda Chrome, Firefox yoki Edge ni afzal ko’rishsa-da, ko’plab kompaniyalar hali ham IE uchun ishlab chiqilgan eski ilovalar va xizmatlardan foydalanadilar. Tizim ma’murlari barcha korporativ texnologiyalarni birdaniga yangilash o’rniga, narsalarni o’z holida qoldirishni va IE ning moslik rejimlaridan foydalanishda davom etishni afzal ko’rishadi. Biroq, Jeksonning so’zlariga ko’ra, «yetarli» va Internet Explorer ni brauzer deb atashni to’xtatish vaqti keldi.
«Biz unda yangi veb-standartlarni qo’llab-quvvatlamaymiz va ko’plab saytlar hali ham yaxshi ishlayotgan bo’lsa-da, ishlab chiquvchilar odatda o’z mahsulotlarini Internet Explorer uchun sinovdan o’tkazmaydilar», deb ta’kidladi ekspert.
Kompaniyalar IE dan moslik yechimi sifatida foydalanishda davom etishlari mumkin bo’lsa-da, uni brauzer sifatida ishlatish tavsiya etilmaydi, deb tushuntirdi Jekson.
