Microsoft kompaniyasining sobiq xodimi 10 million dollarlik raqamli valyutani o’g’irlagani uchun hibsga olindi
Jinoyatchi qimmatbaho mashina va ko’l qirg’og’idagi uy sotib olishga muvaffaq bo’ldi.
Microsoft kompaniyasining sobiq xodimi raqamli valyutadagi 10 million dollarni o‘g‘irlagani uchun hibsga olindi. Jinoyatchi 25 yoshli Ukraina fuqarosi Vladimir K. bo‘lib, u Microsoft’ning onlayn chakana savdo platformasini sinovdan o‘tkazayotgan edi, deya xabar bermoqda Associated Press. Vladimir K. raqamli valyutani, jumladan Microsoft mahsulotlariga almashtirilishi mumkin bo’lgan sovg’a kartalarini o’g’irlashda ayblanmoqda. Jinoyatchi kartalarni internet orqali qayta sotgan va tushgan pulga 160 ming dollarga Tesla va 1,7 million dollarga ko‘l bo‘yidagi uy sotib olgan.
Firibgar 2018-yil iyun oyida sxema fosh bo‘lgach, ishdan bo‘shatilgan. Etti oylik faol faoliyat davomida Vladimir K.ning bank hisob raqamlariga 2,8 million dollar o‘tkazildi. Jinoyatchi 2019-yil 16-iyun kuni qo‘lga olingan.
Eslatib oʻtamiz, 2019-yilning aprel oyida nomaʼlum shaxslar Microsoft texnik qoʻllab-quvvatlash xodimining akkauntini buzib, uzoq vaqt davomida Outlook foydalanuvchilarining akkauntlariga kirish imkoniga ega boʻlgan edi. Kiberjinoyatchilar dastlab Microsoft vakillari aytganidek, nafaqat metamaʼlumotlarga, balki Outlook, Hotmail va MSN’dagi shaxsiy elektron pochta hisoblari tarkibiga ham kirish imkoniga ega boʻlgan. Qurbonlarning aksariyati kriptovalyuta hamyonlari egalari edi.
