Microsoft Windows 10 May 2019 yangilanishini tarqatishni boshladi.
Oxirgi versiya avvalgi xatolar va nuqsonlarni tuzatadi, shuningdek yangi xususiyatlar va yaxshilanishlarni joriy etadi.
Microsoft Windows 10 operatsion tizimi uchun Windows 10 May 2019 yangilanishi (1903-versiya) deb nomlangan katta yangilanishni chiqardi. Oxirgi versiya avvalgi xatolar va nuqsonlarni tuzatadi hamda yangi funksiyalar va yaxshilanishlarni, jumladan Windows Sandbox ilovalarini xavfsiz sinovdan o’tkazish uchun virtual muhit va yangilanishlarni 35 kungacha to’xtatib turish imkoniyatini o’z ichiga oladi. May 2019 yangilanishida (1903-versiyada) Microsoft «Yuklab olish va o’rnatish» funksiyasini (1803 va 1809-versiyalarda ham mavjud) qo’shdi, bu Windows 10 yangilanishlarini o’rnatishni uzoq muddatga kechiktirish imkonini beradi.
Windows 10 dizaynidagi asosiy yangiliklardan biri yengil mavzudir. Standart ilovalarni olib tashlash imkoniyati qo’shildi va qidiruv menyusi, Start menyusi hamda Fayl Explorer qayta ishlab chiqildi.
Windows 10 2019-yil may yangilanishini olish uchun Start menyusidagi Windows Update – Sozlamalar – Yangilanish va xavfsizlik – Windows Update bo’limini oching>, so’ng Yangilanishlarni tekshirishni tanlang >va Yuklab olish va> o’rnatish tugmasini bosing.
Yangilanish bosqichma-bosqich tarqatilgani uchun barcha foydalanuvchilar uni darhol yuklab ololmaydi. Microsoft ma’lumotiga ko’ra, iyun oyidan boshlab kompaniya xizmat muddati tugayotgan 2018 yil aprel yangilanishi va undan oldingi Windows 10 versiyalarida ishlayotgan qurilmalarni yangilashni boshlaydi.
