Microsoft Windows 10 operatsion tizimiga to’liq Linux yadrosini yaratadi.
Windows Insider dasturi ishtirokchilari uchun birinchi sinov versiyalari 2019-yil iyun oyi oxirida chiqariladi.
Microsoft Windows’da Linux bajariladigan fayllarini ishga tushirish uchun mo‘ljallangan yangilangan WSL2 (Linux uchun Windows Subsystem) kichik tizimini taqdim etdi. WSL 2 yangilanishining asosiy xususiyati uning o‘rnatilgan, to‘liq Microsoft Linux yadrosidir. Windows Insiders uchun birinchi sinov versiyalari iyun oyi oxirida chiqariladi. Ushbu maxsus yadro Linux uchun Microsoft Windows Subsystem (WSL) 2 arxitekturasi uchun asos yaratadi. WSL 2’da to‘liq Linux yadrosini joriy etish moslikni yaxshilaydi, Windows’da Linux ilovalarining ishlashini sezilarli darajada yaxshilaydi, yuklash vaqtini tezlashtiradi, RAMdan foydalanishni optimallashtiradi, fayl tizimining kirish/chiqishini tezlashtiradi va Docker konteynerlariga virtual mashina orqali emas, balki to‘g‘ridan-to‘g‘ri ishlashga imkon beradi.
Microsoft ichki sinovlariga ko’ra, WSL 2 tarball arxivlarini ochishda WSL 1 ga qaraganda 20 baravar tezroq va turli loyihalarda git clone, npm install va cmake dan foydalanganda 2-5 baravar tezroq.Microsoft ichki sinovlariga ko’ra, WSL 2 tarball arxivlarini ochishda WSL 1 ga qaraganda 20 baravar tezroq va turli loyihalarda git clone, npm install va cmake dan foydalanganda 2-5 baravar tezroq.
WSL 2 ning birinchi versiyasi Linux 4.19 ning uzoq muddatli barqaror versiyasiga asoslangan bo’ladi. 4.19 LTS filiali uchun tuzatishlar chiqarilishi bilan WSL 2 yadrosi Windows Update orqali tezda yangilanadi va Microsoftning uzluksiz integratsiya infratuzilmasida sinovdan o’tkaziladi.
Kompaniyaning e’loniga ko’ra, yadro to’liq ochiq kodli bo’ladi. Microsoft shuningdek, ishlab chiquvchilarga o’zlarining yadro versiyalarini yaratish bo’yicha ko’rsatmalar beradi. Texnologiya giganti barcha ma’lumotlarni Github-ga joylashtirishga va’da berdi.
