Microsoft Windows 10 (versiya 1903) ni ba’zi Mac kompyuterlarida o’rnatishni bloklamoqda.
Cheklov 2012-yilgacha chiqarilgan Mac egalari, shuningdek, Apple Boot Camp yoki Windows Support-ning eski versiyalaridan foydalanadiganlar uchun amal qiladi.
Microsoft ba’zi eski Mac modellari yoki Apple Boot Camp dasturiy ta’minotining eskirgan versiyalari bilan ishlaydigan qurilmalarda Windows 10 2019-yil yangilanishini (1903-versiya) o’rnatishni blokladi. Kompaniyaning texnik hujjatlariga ko’ra, Apple kompyuterlariga Windows 10 2019-yil may yangilanishini o’rnatishda moslik bilan bog’liq muammolar yuzaga kelishi mumkin. Xususan, quyidagi xato xabari paydo bo’lishi mumkin: «Mac HAL Driver – machaldriver.sys: Sizning shaxsiy kompyuteringizda Windows 10 ning ushbu versiyasiga mos kelmaydigan drayver yoki xizmat mavjud.»
Muammo 2012 yilgacha ishlab chiqarilgan Mac egalariga, shuningdek, Apple Boot Camp yoki Windows Support drayverlarining eskirgan versiyalaridan foydalanadiganlarga ta’sir qiladi. Microsoft ta’kidlashicha, Windows 10-ning 2019-yil may yangilanishini o’rnatish drayverlarni joriy versiyalarga yangilashni talab qiladi.
Hozirda kompaniya muhandislari muammoni bartaraf etish ustida ishlamoqda. Cheklov joriy yilning iyul oyi oxirigacha olib tashlanishi kutilmoqda.
