Microsoft Windows 10 xavfsizligini mustahkamlash bo’yicha qo’llanmani nashr etdi.
SECCON deb nomlangan qo’llanmada DEFCONga o’xshash beshta xavfsizlik konfiguratsiyasi darajasi tasvirlangan.
Microsoft foydalanuvchilarga Windows 10 qurilmalarini mustahkamlashga yordam berish uchun mo’ljallangan yangi «xavfsizlik konfiguratsiyasi doirasi» loyihasini e’lon qildi. SECCON deb nomlangan qo’llanmada AQSh harbiylarining tayyorlik shkalasi bo’lgan DEFCONga o’xshash beshta xavfsizlik konfiguratsiyasi darajasi tasvirlangan. «Ilgari biz Windows 10 xavfsizlik konfiguratsiyasini foydalanuvchilarga qoldirardik va natijada foydalanuvchilar soni qancha bo’lsa, shuncha konfiguratsiyaga ega bo’ldik […] Biz o’zimizga savol berdik: Agar biz sizning muhitingiz haqida hech narsa bilmasak, avval qanday xavfsizlik amaliyotlari va sozlamalarini amalga oshirishingizni tavsiya qilishimiz mumkin?» – deb tushuntirdi Microsoft kompaniyasining katta dastur menejeri Kris Jekson.
Uning so’zlariga ko’ra, yangi tizim xavfsizlik konfiguratsiyasini soddalashtiradi va shu bilan birga «himoya, samaradorlik va foydalanuvchi tajribasini muvozanatlash uchun yetarlicha moslashuvchanlikni ta’minlaydi».
Kompaniya quyidagi tavsiyalarni taqdim etadi:
5-daraja. Korxona xavfsizligi – korporativ qurilmalar uchun xavfsizlik sozlamalarining minimal darajasi.
4-daraja. Korxonaning yuqori xavfsizligi – maxfiy ma’lumotlarni saqlaydigan qurilmalar uchun tavsiya etiladi.
3-daraja. Korxona VIP xavfsizligi – katta xavfsizlik guruhlariga ega tashkilotlarning qurilmalari yoki yuqori xavfli guruhlardagi foydalanuvchilar uchun tavsiya etiladi.
2-daraja. DevOps ish stantsiyasi – qimmatli ma’lumotlarni o’z ichiga olgan yoki muhim biznes operatsiyalari bilan bog’liq serverlar va tizimlarga kirishga qaratilgan hujumlar xavfi ostida bo’lgan dasturchilar va sinovchilar uchun tavsiya etiladi. Tavsiyalar hali ham yangilanmoqda.
1-daraja. Administrator ish stantsiyasi – tavsiyalar hozirda ishlab chiqilmoqda.
