Mozilla chalkashtirilgan kodli kengaytmalarni taqiqlaydi
Yangilik 2019-yil 10-iyundan kuchga kiradi.
Mozilla zararli qo’shimchalarga qarshi kurashish uchun Firefox kengaytma katalogi qoidalarini kuchaytirishini e’lon qildi. Xususan, ishlab chiquvchi chalkashtirilgan kodni o’z ichiga olgan kengaytmalarni katalogga yuborishni taqiqlaydi. Ushbu o’zgarish 2019-yil 10-iyundan kuchga kiradi. «Biz endi chalkashtirilgan kodni o’z ichiga olgan kengaytmalarni qabul qilmaymiz. Minimallashtirilgan, kaskadlangan yoki boshqa yo’l bilan yaratilgan kod manba kodi mavjud bo’lgan taqdirda qabul qilinadi», deb ta’kidladi kompaniya o’z blog postida.
Kodni chalkashtirish usullaridan foydalanadigan dasturchilarga bunday kodni o’z ilovalaridan olib tashlash va 10-iyunga qadar dasturlarining yangi versiyalarini nashr etish tavsiya etiladi, aks holda ular rad etiladi yoki bloklanadi.
Bundan tashqari, Mozilla brauzerda foydalanuvchi tomonidan o’rnatilgan kengaytmalar yoki uchinchi tomon dasturlari nima uchun bloklanganligini yaxshiroq tushunish uchun bloklash siyosatini yanada shaffof qilishni rejalashtirmoqda.
Kompaniya tashkilot siyosatini buzadigan kengaytmalarni va xavfsizlik muammolarini o’z ichiga olgan ilovalarni bloklashda davom etadi. Mozilla shuningdek, maxfiylikni buzadigan yoki foydalanuvchi roziligi yoki nazoratisiz harakatlarni amalga oshiradigan kengaytmalarga qarshi choralar ko’rishni ko’rib chiqmoqda.
Eslatib o’tamiz, o’tgan yili Google Chrome internet-do’konida chalkashtirilgan kodni o’z ichiga olgan qo’shimchalarga shunga o’xshash taqiqni joriy qilgan edi. Kompaniya ma’lumotlariga ko’ra, Google tomonidan bloklangan Chrome kengaytmalarining taxminan 70 foizida chalkash kod mavjud.
