Mutaxassislar global kiberhujumdan yetkazilgan zararni 85 milliard dollardan 193 milliard dollargacha baholamoqda.
Kiberhujum keltirib chiqarishi mumkin bo’lgan eng katta yo’qotishlar chakana savdo, sog’liqni saqlash, ishlab chiqarish va bank sohalarida bo’ladi.
Muvofiqlashtirilgan global kiberhujum (keng ko’lamli zararli pochta jo’natmalari) 85 milliard dollardan 193 milliard dollargacha zarar yetkazishi mumkin. Bu Londondagi Lloyd’s va Aon moliyaviy kompaniyasining sug’urta bozori mutaxassislari xavfni baholash uchun stress-testdan o’tkazilgandan so’ng shunday xulosaga kelishdi.
Bunday hujum biznesdagi uzilishlar va kibertovlamachilikdan tortib, kiber-hodisalarga javob berish xarajatlarigacha bo’lgan hamma narsani qoplaydigan sug’urta da’volariga olib keladi.
Reuters agentligining yozishicha, global kiberhujum stsenariysi bo’yicha mutaxassislar sug’urta to’lovlarining umumiy miqdori 10 milliard dollardan 27 milliard dollargacha bo’lishini taxmin qilishmoqda.
Kiberhujumlar bir qator global sohalarga ta’sir qilishi mumkin, mutaxassislar sog’liqni saqlash, chakana savdo, bank va ishlab chiqarish sohalaridagi tashkilotlar eng katta yo’qotishlarga duch kelishini bashorat qilmoqdalar.
Rivojlangan iqtisodiyotga ega mamlakatlarda (AQSh va Yevropa mamlakatlari) moddiy yo’qotishlar eng katta bo’ladi.
2017-yilda dunyo mamlakatlaridagi ko’plab tashkilotlarga ta’sir ko’rsatgan WannaCry epidemiyasi tufayli kiberhujumlar qattiq nazorat ostiga olindi. Rasmiylar bunday hujumlar xususiy kompaniyalar uchun xavf tug’dirishi mumkinligi haqida bir necha bor ogohlantirishgan, bu hujumlar ham xorijiy hukumatlar, ham moliyaviy jihatdan motivatsiyalangan kiberjinoyatchilar tomonidan amalga oshirilishi mumkin.
