Parolni tekshirish xizmati sizning hisob ma’lumotlaringizning mustahkamligini tekshiradi
Agar xizmat ilgari buzib kirilgan bo’lsa, sizning hisob ma’lumotlaringizni o’zgartirishni taklif qiladi.
5-fevral kuni Google foydalanuvchilarni ilgari buzib kirilgan veb-saytlarda ishlatilgan login va parol kombinatsiyalari haqida ogohlantirish uchun mo’ljallangan Password Checkup deb nomlangan yangi xizmatni taqdim etdi. Password Checkup – bu har qanday veb-saytga kiritilgan foydalanuvchi nomi va parolni 4 milliarddan ortiq buzib kirilgan ma’lumotlarni o’z ichiga olgan shifrlangan ma’lumotlar bazasi bilan avtomatik ravishda taqqoslaydigan bepul Chrome brauzer kengaytmasi. Agar Password Checkup buzib kirilganlar ro’yxatida login va parollarni aniqlasa, foydalanuvchilarni ularni o’zgartirishga undaydi.
Google xizmat foydalanuvchi maxfiyligiga hech qanday tahdid solmasligiga ishontirdi — barcha ma’lumotlar shifrlangan holda saqlanadi va kompaniya unga kirish huquqiga ega emas. Kompaniya shuningdek, kengaytma orqali uzatiladigan barcha statistika anonimlashtirilganligini ta’kidladi.
Google shuningdek, dasturiy ta’minotingizni yangilab turish, har bir veb-sayt uchun noyob parollardan foydalanish, Google xavfsizlik tekshiruvini ishga tushirish, parolingizni tiklash uchun telefon raqami yoki elektron pochta manzilidan foydalanish va ikki faktorli autentifikatsiyani o’rnatish kabi xavfsizlik bo’yicha tavsiyalar berdi.
