Reuters: G’arb razvedka agentliklari foydalanuvchilarga josuslik qilish uchun Yandexni buzib kirishga harakat qilishdi
Yandex hujumga urinishni tasdiqladi, ammo tajovuzkorlar foydalanuvchi ma’lumotlariga kira olmaganiga ishontirdi.
2018-yil oxirida G‘arb razvedka agentliklarida ishlovchi xakerlar Rossiyaning “Yandeks” kompaniyasini foydalanuvchilariga josuslik qilish maqsadida buzib kirishga urindi, deb xabar berdi Reuters to‘rtta xabardor manbaga tayanib. Hujumlar chog‘ida hujumchilar “Besh ko‘z” alyansi (AQSh, Buyuk Britaniya, Avstraliya, Yangi Zelandiya va Kanadani o‘z ichiga olgan) tomonidan qo‘llanishi mumkin bo‘lgan Regin nomli nodir zararli dasturlardan foydalangan. Manbalarga ko‘ra, hujumning kelib chiqishini aniqlashning iloji bo‘lmagan, xakerlik urinishining o‘zi esa 2018-yilning oktabr va noyabr oylari orasida sodir bo‘lgan.
Agentlik manbalariga ko‘ra, hujumchilarni “Yandex” foydalanuvchilarning autentifikatsiyasini qanday amalga oshirishini tushunishga yordam beradigan texnik ma’lumotlar qiziqtirgan. Bu maʼlumotlardan foydalanib, razvedka xizmati oʻzini Yandex foydalanuvchisi qilib koʻrsatishi va ularning shaxsiy xabarlariga kirish huquqiga ega boʻlishi mumkin. Agentlik maʼlumotlariga koʻra, hujumchilar nishoni Yandex dasturchilar guruhi boʻlgan.
Rossiya kompaniyasi vakillari xakerlik urinishini tasdiqlab, hujum dastlabki bosqichda, hech qanday zarar yetkazilishidan avval aniqlangani va zararsizlantirilganini qayd etdi.
“Sizni ishontirib aytamizki, hujumchilar Yandex xizmati foydalanuvchi maʼlumotlariga kira olmagan”, — deya taʼkidladi kompaniya matbuot xizmati. Yandex, shuningdek, kompaniya doimiy ravishda har xil turdagi kibertahdidlarga duch kelishini va uning siyosati bunday hodisalar haqida batafsil ma’lumot tarqatishni o’z ichiga olmaydi.
