Roskomnadzorning sho»ba korxonasi qidiruv tizimlari va VPN-larni kuzatish tizimini ishlab chiqishni buyurdi.
Tizim qidiruv tizimlari, VPN xizmatlari va boshqa provayderlar tomonidan taqiqlangan ma’lumotlarni blokirovka qilish to’g’risidagi qonunga qanday rioya qilinishini kuzatish uchun mo’ljallangan.
Roskomnadzor yurisdiksiyasidagi federal davlat unitar korxonasi bo’lgan Bosh radiochastota markazi (GRChTs) davlat xaridlari veb-saytida Rossiya Federatsiyasida taqiqlangan resurslarni blokirovka qilishni kuzatish uchun avtomatlashtirilgan tizim yaratish bo’yicha shartnoma joylashtirdi.
Tizim qidiruv tizimlari, VPN xizmatlari, proksi-servislar va anonimlashtiruvchilarning taqiqlangan ma’lumotlarni blokirovka qilish to’g’risidagi qonunga qanday rioya qilishini kuzatish uchun mo’ljallangan. Xarid hujjatiga ko’ra, yangi tizim hozirda bunday tekshiruvlarni amalga oshirayotgan GRChTs xodimlarining ish yukini kamaytirishi kerak.
Hujjatlarga ko’ra, shartnoma qiymati 25 million rublni tashkil etadi. Xarid natijalari 2019-yil 8-aprelda e’lon qilinishi rejalashtirilgan va tekshirish tizimi shu yilning dekabr oyiga qadar ishlab chiqilishi kutilmoqda.
Eslatib o’tamiz, avvalroq Roskomnadzor tarmoq paketlari tarkibini skanerlash va ularni belgilangan mezonlarga muvofiq filtrlash imkonini beruvchi yangi DPI blokirovka texnologiyasini sotib olishi haqida xabar berilgan edi.
