Rossiya dasturiy ta’minotini qurilmalarga oldindan o’rnatish to’g’risidagi qonun loyihasi yana Davlat Dumasiga kiritildi
Qonun loyihasi rossiyalik foydalanuvchilarga qo‘shimcha ilovalarni o‘rnatmasdan jihoz sotib olish imkoniyatini taqdim etishga mo‘ljallangan.
Iqtisodiy siyosat qo‘mitasi raisi Sergey Jigarev boshchiligidagi deputatlar guruhi Davlat Dumasiga Smart TV funksiyasiga ega smartfon, kompyuter va televizorlarni sotishda mahalliy dasturiy ta’minotni oldindan o‘rnatishni talab qiluvchi qonun loyihasini taqdim etdi. Taqdim etilgan hujjatga ko‘ra, hukumat yangi talablarga muvofiq sotilishi kerak bo‘lgan qurilmalar ro‘yxatini hamda o‘rnatish uchun maqbul bo‘lgan dasturiy ta’minotlar ro‘yxatini o‘zi belgilashi kerak.
Hujjatning tushuntirish xatida aytilishicha, qonun loyihasi “Rossiyalik internet va aloqa xizmatlaridan foydalanuvchilarga sotib olingan uskunalardan (smartfonlar, kompyuterlar, “aqlli televizor” funksiyasiga ega televizorlar) qo‘shimcha mobil ilovalar va bunday qurilmalarning rossiyalik foydalanuvchilari bilan ishlashga yo‘naltirilgan boshqa kompyuter dasturlarini o‘rnatmasdan foydalanish imkoniyatini ta’minlashga” qaratilgan.
Mualliflarning fikricha, qonun loyihasi Rossiya IT-kompaniyalari manfaatlarini himoya qilishni ham ta’minlaydi va IT-sohada faoliyat yurituvchi yirik xorijiy korxonalar ta’sirini kamaytiradi.
Eslatib o’tamiz, 4 iyul kuni Sergey Jigarev allaqachon smartfonlarga rus dasturiy ta’minotini o’rnatishni talab qiluvchi qonun loyihalari paketini taqdim etgan, biroq ertasi kuni uni qaytarib olgan edi.
