Rossiya kiberxavfsizlik darajasi eng yuqori bo’lgan davlatlar qatoriga kiradi.
Kuchli beshlikka Buyuk Britaniya, AQSh, Fransiya, Litva va Estoniya kirdi.
BMTning Xalqaro Telekommunikatsiya Ittifoqi butun dunyo bo’ylab kiberxavfsizlik darajasi bo’yicha dastlabki hisobot – Global kiberxavfsizlik indeksini e’lon qildi. Hisobotga ko’ra, Rossiya kiberxavfsizlik darajasi eng yuqori bo’lgan mamlakatlar orasida 28-o’rinni egalladi. Birinchi beshlikka Buyuk Britaniya, AQSh, Fransiya, Litva va Estoniya kirdi. 2018-yilda kiberjinoyatlar uchun javobgarlikni tartibga soluvchi qonunchilikka ega mamlakatlar soni 79% dan (2017-yilda) 91% gacha oshdi. Milliy kiberxavfsizlik strategiyasiga ega mamlakatlar soni ham oshdi (58%).
Qonunchilik bo’yicha Rossiya MDH mamlakatlari orasida Qozog’iston va O’zbekistondan oldinda birinchi o’rinni egalladi. Umuman olganda, Yevropa kiberxavfsizlik qoidalarini amalga oshirishda, shuningdek, kiberjinoyatchilik va spamga qarshi kurash choralarida yetakchilik qildi.
Kiberxavfsizlik indeksi har yili o’tkaziladigan tadqiqotdir. Reyting beshta asosiy mezonni hisobga oladi: qonunchilik bazasi, texnik va tashkiliy choralar, xalqaro faoliyat va sohadagi rivojlanish salohiyati.
