«Rossiya xakerlari» dunyodagi eng tezkorlardir.
Xavfsizlik bo’yicha tadqiqotchilar eng ilg’or kiberjinoyatchilarning xakerlik hujumlariga qancha vaqt ketishini hisoblab chiqdilar.
Kiberxavfsizlik bo’yicha mutaxassislar bir necha bor «rus xakerlari» dunyodagi eng ilg’orlar qatorida ekanligini ta’kidladilar. Endi CrowdStrike mutaxassislari buni turli mamlakatlardan kelgan kiberjinoyatchilarning xakerlik hujumiga qancha vaqt ketishini soniyasiga qadar hisoblab, tasdiqladilar. CrowdStrike hisobotiga ko’ra, xakerlik hujumi tezligi bo’yicha ruslar eng malakali xakerlar ro’yxatiga kiritilgan eronliklar, shimoliy koreyaliklar va xitoyliklardan ham o’zib ketishdi. Xakerlik hujumi tezligi deganda tadqiqotchilar kiberjinoyatchilarning tarmoqqa kirishi va ma’lumotlarni o’g’irlash boshlanishi orasidagi vaqtni nazarda tutmoqdalar. Xakerlik hujumining tezligi operatsiyaning muvaffaqiyati uchun juda muhimdir, chunki zamonaviy texnologiyalar kiberhujumlarni avvalgidan ham tezroq aniqlash va qaytarish imkonini beradi. Hujumchi tarmoqqa qanchalik tez kirsa, hujum aniqlangunga qadar ma’lumotlarni o’g’irlash uchun shuncha ko’p vaqt kerak bo’ladi.
Xakerlik tezligini aniqlash uchun tadqiqotchilar 2018-yilda amalga oshirilgan 30 000 ta kiberhujumni tahlil qilishdi. Tadqiqotchilarning hisob-kitoblariga ko’ra, rossiyalik kiberjinoyatchilarga maqsadli tarmoqqa kirishdan tortib, hujumni u bo’ylab tarqatishgacha atigi 18 daqiqa 49 soniya kerak bo’ladi – bu xakerlik tezligi bo’yicha ikkinchi o’rinni egallagan shimoliy koreyaliklardan deyarli sakkiz baravar kam. Xitoyliklar uchinchi o’rinni egallab, xakerlik hujumi uchun 4-5 soat vaqt sarflashdi – bu shimoliy koreyaliklardan ikki baravar ko’p.
