Rossiyada smartfonlarni mahalliy dasturiy ta’minotsiz sotish uchun jarima joriy etilishi mumkin.
Tegishli qonun loyihasi ko’rib chiqish uchun Rossiya Federatsiyasi Davlat Dumasiga kiritildi.
Mahalliy dasturiy ta’minot ishlab chiqaruvchilarni xorijiy kompaniyalarning nohaq raqobatidan himoya qilish uchun Davlat Dumasining Iqtisodiy siyosat, sanoat, innovatsion rivojlanish va tadbirkorlik qo’mitasi rahbari Sergey Jigarev Rossiyada mahalliy dasturiy ta’minotsiz uskunalarni sotishni taqiqlovchi qonun loyihasini ishlab chiqdi. Hujjat bilan “Iste’molchilar huquqlarini himoya qilish to‘g‘risida”gi qonunga o‘zgartishlar kiritish taklif etiladi. Qonun loyihasiga ko‘ra, Rossiyada sotiladigan kompyuterlar, smart-televizorlar va mobil qurilmalarda rossiyalik ishlab chiquvchilarning oldindan o‘rnatilgan dasturlari bo‘lishi kerak. Ushbu qoidaga rioya qilmaslik yakka tartibdagi tadbirkorlar uchun 100 000 dan 500 000 rublgacha va yuridik shaxslar uchun 500 000 dan 1 million rublgacha jarima solishga olib keladi.
Federal Monopoliyaga qarshi Xizmat (FAS) smartfonlarda mahalliy dasturiy ta’minotni majburiy oldindan o’rnatish tarafdori. Uning taklif qilgan tashabbusiga ko’ra, Rossiyada sotiladigan qurilmalar mahalliy antivirus yechimlari, xaritalash xizmati, xabar almashish ilovasi va qidiruv tizimi bilan oldindan o’rnatilgan bo’lishi kerak. O‘tgan oy oxirida Aloqa va ommaviy axborot vositalari vazirligi ham xuddi shunday tashabbusni taklif qilgan edi.
