Sobiq DJI muhandisi manba kodini nashr etgani uchun olti oylik qamoq jazosiga hukm qilindi.
Xususiy kodlar dasturchi ularni o’zi yaratgan GitHub akkauntiga joylashtirganidan so’ng ommaga ochiq bo’ldi.
Xitoylik dron ishlab chiqaruvchi DJI kompaniyasining sobiq xodimi GitHub platformasida mulkiy manba kodini nashr etgani uchun olti oylik qamoq jazosiga hukm qilindi. Shuningdek, u 200 000 yuan (29 000 dollar) miqdorida jarima to’lashi kerak. Xitoy rasmiylariga ko’ra, xodim qishloq xo’jaligi dronlarini boshqarish platformasi va qishloq xo’jaligi uskunalari uchun dasturiy ta’minotni ishlab chiquvchi dasturchi bo’lib ishlagan. Kod muhandis uni o’zi yaratgan GitHub akkauntiga joylashtirganidan so’ng ommaga ochiq bo’ldi.
DJI ma’lumotlar sizib chiqishi haqida bilgach, yigit kodlarni ombordan olib tashladi va aybini tan oldi. Kompaniya intellektual mulk deb hisoblangan manba kodini tarqatishdan yetkazilgan zararni 170 000 dollarga baholadi.
Avvalroq, Shimoliy Karolina shtati universiteti tadqiqotchilari tomonidan o’tkazilgan tadqiqot shuni ko’rsatdiki, 100 000 dan ortiq GitHub omborlari API tokenlari va kriptografik kalitlarni sizdirib olayotgan edi.
