Toyota’ning Avstraliyadagi bo‘limi kiberhujumga uchradi.
Toyota Australia rasmiylari kiberhujum paytida xodim yoki mijozlar ma’lumotlari oshkor qilinganini rad etishmoqda.
20-fevral kuni Yaponiya avtomobil giganti Toyota kompaniyasining Avstraliya bo’limi kiberhujumga uchradi. Toyota Australia kiberhujum paytida xodim yoki mijozlar ma’lumotlari buzilganini rad etdi. «Hozirgi bosqichda biz hech bir xodim yoki mijozlar ma’lumotlari buzilmagan deb hisoblaymiz», deyiladi kompaniya o’z veb-saytidagi qisqa bayonotda.
“Kompaniyaning IT boʻlimi tergovga rahbarlik qilmoqda, tizimni tiklash va ishga tushirish uchun xalqaro kiberxavfsizlik mutaxassislari bilan yaqindan hamkorlik qilmoqda. Hozircha bizda hujum manbai haqida boshqa maʼlumot yoʻq”, deb taʼkidladi Toyota Australia.
Avvalroq, Nissan kompaniyasining Kanada moliya departamenti kompyuter tarmog’i buzib kirilgani haqida xabar berilgan edi. Hujum natijasida jinoyatchilar kompaniyaning 1,13 million mijozining shaxsiy ma’lumotlarini o’g’irlashgan.
