Tramp Google’ni “Xitoyga yordam bergani” uchun tanqid qildi
Amerikalik siyosatchilar Google’ni Xitoy bilan hamkorlik qilishda ayblamoqda.
AQSh prezidenti Donald Tramp kompaniyani «Xitoyga yordam bergani» uchun ochiqchasiga tanqid qilganidan so’ng, Google Xitoy harbiylari bilan hamkorlik qilmasligini bildirdi. «Google AQShga emas, balki Xitoyga va uning harbiylariga yordam bermoqda. Dahshatli! Yaxshiyamki, ular Trampga emas, balki yolg’onchi Hillari Klintonga yordam berishdi… Va bularning barchasi qanday bo’ldi?», deb yozdi Tramp Twitterda.
Google darhol javob berdi. «Biz Xitoy harbiylari bilan ishlamaymiz. Biz AQSh hukumati, jumladan, Mudofaa vazirligi bilan kiberxavfsizlik, inson resurslari va sog’liqni saqlash kabi ko’plab jihatlar bo’yicha hamkorlik qilamiz», deb xabar berdi NBC News kompaniya vakilining so’zlaridan iqtibos keltirdi.
Trampning Google’ga qarshi ayblovlari AQSh Qurolli Kuchlari shtab boshliqlari qo‘mitasi raisi Jozef Danford Kongressga bergan ko‘rsatmasi davomida kompaniyaga qarshi shunga o‘xshash ayblovni ilgari surganidan bir kun o‘tib yangradi. “Google’ning Xitoyda qilayotgan ishi bilvosita Xitoy harbiylariga foyda keltiradi”, dedi Danford Senat Qurolli Kuchlar qo‘mitasi tinglovida.
«Biz Xitoydagi sanoat hamkorlarimizning ishini bunday bilvosita foyda olish imkoniyati haqida bilganimizda katta tashvish bilan kuzatamiz. Ochig’ini aytganda, «bilvosita» so’zi unchalik o’rinli emas, chunki biz Xitoy harbiylari uchun to’g’ridan-to’g’ri foyda haqida gapiryapmiz», dedi Dunford.
