“Tsarning ko‘zi” Putinga real vaqt rejimida hududlarni kuzatish imkonini beradi.
Roskosmos tomonidan taklif etilgan loyiha juda yuqori aniqlikdagi kosmik tasvirlarga asoslangan.
Prezident Vladimir Putin tez orada ish stolidan chiqmasdan mintaqalardagi vaziyatni kuzatib borishi mumkin. Yil boshida Roskosmos davlat korporatsiyasi qurilish maydonchalari, yo’llar, qishloq xo’jaligi ishlari va boshqa tadbirlarni real vaqt rejimida kuzatish imkonini beradigan tizim yaratishni taklif qildi. “Interfaks” xabariga ko‘ra, loyiha “Gosudarevo Oko” deb nomlangan. Roskosmos rahbari Dmitriy Rogozin tizimni «butun davlat infratuzilmasini qamrab olgan yaxshi ko’rish» deb atadi.
«Prezident ushbu tizimdan toʻliq foydalanish imkoniyatiga ega boʻladi. Oʻylaymanki, bu maʼlumotlardan mintaqaviy hokimiyatlar bilan muloqot qilishda foydalanish mumkin. Hududlar alohida hisobot bersa-da, davlat rahbari real vaqt rejimida hamma narsani — qurilish maydonchalari, obʼyektlar, odamlar, ekinlar, yoʻllar va boshqa koʻp narsalarni bir zumda koʻrish imkoniyatiga ega boʻladi”, – dedi Rogozin.
Prezidentdan tashqari, vazirlar mahkamasi ham tizimdan foydalanishi mumkin.
Rogozin avvalroq tushuntirganidek, tizim davlat rahbariga juda yuqori aniqlikdagi sunʼiy yoʻldosh tasvirlari yordamida hududlardagi voqealar rivojini kuzatish imkonini beradi. Bu tasvirlar Yerdagi har qanday jarayonlarning dinamikasini bir metrgacha yoki undan ham kamroq kuzatish imkonini beradi.
O’tgan oy Roskosmos matbuot kotibi Vladimir Ustimenko Gosudarevo Oko loyihasi amalga oshirishning dastlabki bosqichida ekanligini va uni kim nazorat qilishi hali ma’lum emasligini xabar qildi.
