Twitter iOS foydalanuvchilarining joylashuv ma’lumotlarini uchinchi tomon bilan baham ko’rdi.
Ijtimoiy tarmoq iOS qurilma egalarini ularning maxfiyligiga ta’sir qiluvchi zaiflik haqida xabardor qildi.
Twitter ba’zi iOS qurilma egalarining maxfiyligiga ta’sir qiluvchi zaiflikni ma’lum qildi. «Biz ma’lum sharoitlarda iOS foydalanuvchilarining joylashuv ma’lumotlarini xohlamagan holda ishonchli hamkorlarimizdan biriga yig’ib va ulashganimizni aniqladik,» dedi kompaniya. Muammo faqat telefonlariga ikkinchi Twitter hisobini qo’shgan iOS ilovasi foydalanuvchilariga taalluqli. Agar foydalanuvchi bir hisobida ilovaga aniq joylashuv ma’lumotlariga kirish huquqini bergan bo’lsa, bu ruxsat ikkinchi hisobga ham tatbiq etiladi. Ilova aniq geolokatsiya ma’lumotlarini Twitter serverlariga yuboradi, ular esa keyinchalik Real Time Bidding (RTB) jarayoni davomida «ishonchli hamkor»ga uzatiladi. Shu tariqa uchinchi tomon bunday ma’lumotlarni uzatish imkoniyati o’chirilgan hisoblardan ham ma’lumot oladi.
Twitterga ko’ra, aniq joylashuv ma’lumotlari faqat kompaniya ixtiyorida bo’ladi, reklama beruvchilarga esa 5 km radius ichidagi taxminiy joylashuv ma’lumotlari taqdim etiladi. Twitter hamkori xabariga ko’ra, foydalanuvchi joylashuv ma’lumotlari qisqa muddat saqlanadi va muntazam ravishda o’chirib tashlanadi.
Real Time Bidding – real vaqtda taklif berish. Onlayn reklama sohasidagi texnologiya bo’lib, reklama uchun real vaqtli auksionlarni o’z ichiga oladi. U IAB OpenRTB protokoliga asoslangan.
