WikiLeaks asoschisi Julian Assanj Londonda hibsga olindi
Ekvador hukumati Assanjning boshpana huquqini bekor qilganidan keyin politsiya uni hibsga oldi.
London politsiyasi WikiLeaks asoschisi Julian Assanjni hibsga oldi. Politsiya bayonotiga ko’ra, huquqni muhofaza qilish organlari xodimlari Ekvador hukumati uning boshpanasini bekor qilganidan so’ng, Assanj 2012-yildan beri shu yerda yashab kelayotgan Ekvador elchixonasiga chaqirilgan.
Assanj London markazidagi politsiya bo’limiga olib ketildi, u yerdan u «iloji boricha tezroq» Vestminster magistrat sudiga olib boriladi.
Ekvador prezidenti Lenin Moreno Assanjning boshpana olish huquqi uning «xalqaro konventsiyalar va kundalik protokollar»ni muntazam ravishda buzgani sababli bekor qilinganini aytdi.
Assanj Qo’shma Shtatlarga ekstraditsiya qilinishidan xavotirda bo’lgani uchun 2012-yildan beri Londondagi Ekvador elchixonasida saqlanmoqda. Bungacha Ekvador prezidenti mamlakatning Buyuk Britaniyadagi elchixonasida qo’shimcha xavfsizlik choralarini olib tashlashni buyurgan edi va 2018-yil mart oyi oxirida hukumat Assanjning siyosiy bayonotlari tufayli internetga kirishni uzib qo’ygan edi.
Yillar davomida WikiLeaks maxfiy ma’lumotlarni o’z ichiga olgan hujjatlar arxivini bir necha bor nashr etgan. Masalan, 2016-yilda tashkilot 2008-yilgi AQSh prezidentlik saylovlari arafasida Barak Obama va Jon Podestaning yozishmalaridan o’g’irlangan elektron pochta xabarlarini oshkor qildi va bir yildan so’ng WikiLeaks AQSh Markaziy razvedka boshqarmasi tomonidan qo’llaniladigan xakerlik vositalariga oydinlik kiritadigan bir qator hujjatlarni nashr etdi.
