Windows 10 Home yangilanishlarni 35 kunga kechiktirish imkoniyatiga ega bo’lishi mumkin.
Microsoft Windows 10 Home foydalanuvchilariga yangilanishlarni 35 kunga to’xtatib turish imkonini beruvchi yangi imkoniyatni sinovdan o’tkazmoqda.
Microsoft bir qator o’zgarishlar va yangi funksiyalarni taqdim etadigan Windows 10 ning 1903 versiyasidagi yangilanish ustida ishlarni yakunlamoqda. Kompaniya Windows 10 Home foydalanuvchilariga yangilanishni 35 kunga to’xtatib turish imkonini beruvchi yangi imkoniyatni sinovdan o’tkazayotganga o’xshaydi.
Windows 10 Pro va korporativ versiyalari foydalanuvchilarga yangilanishlarni 35 kungacha kechiktirish imkonini beradi, Windows 10 Home foydalanuvchilari esa yangilanishlarni qabul qilishga majbur. Avval xabar qilinganidek, 19H1 sinov versiyalari (Windows 10 ning 2019-yil apreldagi yangilanishi) yangilanishlarni 7 kungacha to’xtatib turish imkoniyatini taqdim etdi, ammo bu imkoniyat hali Windows 10 Home’da keng omma uchun mavjud emas.
Leopeva64-2 taxallusidan foydalangan Reddit foydalanuvchisi qurilmasiga eng so’nggi Windows 10 oldindan ko’rish versiyasini (18356.1) o’rnatganida o’zgarishni sezdi. Uning xabar berishicha, eng so’nggi versiyaning toza o’rnatilishi yangilanishni to’xtatib turish muddatini 35 kunga o’zgartirgan. Hozircha yangi imkoniyat qachon keng tarqalganligi noma’lum.
