Windows 10 mart oyidagi yangilanish o’limning ko’k ekraniga sabab bo’ldi
Microsoft hozirda muammoni hal qilish ustida ishlamoqda.
Microsoft tomonidan Windows 10 uchun chiqarilgan eng so’nggi yangilanish (1803-versiya) ma’lum xato tufayli «o’limning ko’k ekrani»ga (BSOD) sabab bo’lmoqda. KB4489894 kümülatif yangilanishi shu yilning 19-mart kuni chiqarilgan va xavfsizlikka aloqador bo’lmagan funksiyalarni qo’shishga mo’ljallangan. Biroq, foydalanuvchi tomonidan belgilangan shriftlar va belgilar (EUDC) bilan bog’liq xato tufayli «o’limning ko’k ekrani»ga sabab bo’lishi mumkin.
«Agar siz shrift uchun foydalanuvchi tomonidan belgilangan belgilarni (EUDC) yoqgan bo’lsangiz, tizim ishdan chiqadi va ko’k ekran paydo bo’ladi. Ushbu sozlama Osiyo bo’lmagan mintaqalarda kam uchraydi», deyiladi Microsoft ilova qilingan eslatmada.
O’limning ko’k ekranidan qochish uchun shunchaki shriftlar uchun EUDC ni o’chirib qo’ying. Bu vaqtinchalik yechim bo’lib, Microsoft allaqachon tuzatish ustida ishlamoqda. Keyingi oyda rejalashtirilgan yangilanishlar bilan yamoq chiqarilishi kutilmoqda.
Muammo 19-mart kuni chiqarilgan boshqa kümülatif yangilanishlarga, jumladan, Windows 10 Fall Creators Update uchun KB4489890 (1709-versiya) ga ham ta’sir qiladi.
