Windows 10-ning so’nggi yangilanishlari Internet Explorer-ni buzmoqda.
Microsoft allaqachon tuzatish ustida ishlamoqda, uning iyun o’rtalarida chiqarilishi kutilmoqda.
Microsoft o’z foydalanuvchilarini, agar birlamchi qidiruv provayderi yo’q yoki noto’g’ri o’rnatilgan bo’lsa, tizimga o’rnatilgan may oyida jamlangan yangilanishlar Internet Explorerni ishga tushirishda muammolarga olib kelishi haqida ogohlantirdi. Eng oddiy yechim standart qidiruv provayderini o’rnatishdir. Keskin choralar ko’rishga tayyor bo’lgan foydalanuvchilar muammoli yangilanishlarni ham olib tashlashlari mumkin. Microsoft o’z navbatida iyun oyi o’rtalarida chiqarilishi rejalashtirilgan tuzatish ustida ishlayotganini ma’lum qildi. Ehtimol, tuzatish 11 iyunga rejalashtirilgan oylik yangilanishlar bilan chiqariladi.
Internet Explorer-ni ishga tushirishda muammolarga olib keladigan Windows 10 versiyalari va yangilanishlari:
Windows 10 (1809) – KB4497934;
Windows 10 Enterprise LTSC 2019;
Windows 10 (1803) – KB4499183;
Windows 10 (1709) – KB4499147;
Windows 10 (1703) – KB4499162;
Windows 10 Enterprise LTSC 2016;
Windows 10 (1607) – KB4499177.
Muammo Windows Server 2016 va Windows Server 2019’ga ham ta’sir qilishi mumkin.
Eslatib o‘tamiz, avvalroq Microsoft o‘z mijozlarini Internet Explorer-dan asosiy brauzer sifatida foydalanishni to‘xtatishga chaqirib, uni shunchaki moslik vositasi deb atagan edi.
